Sir Fynwystone

Mae Maria yn defnyddio carreg o chwarel (delff) y teulu yn Sir Fynwy i greu dalwyr canhwyllau te a chanhwyllau cyffredin. Roedd y chwarel yn segur tan yn ddiweddar. Aeth Maria a’i gŵr ati i adfer y delff er mwyn darparu cerrig ar gyfer gwaith adeiladu, ac erbyn hyn mae’n cynhyrchu carreg ‘Hen Dywodfaen Coch Defonaidd’ o ansawdd rhagorol gyda gwawr hyfryd sy’n amrywio o wyrdd/llwyd i borffor.

Roedd harddwch naturiol ynghyd â siâp, lliw a gwead amrywiol y garreg wedi ysbrydoli Maria i greu rhywbeth a allai fod yn nodwedd arbennig mewn unrhyw gartref neu ardd, gan roi cyfle i bobl werthfawrogi harddwch y garreg. Mae hi’n creu amrywiaeth o ddalwyr canhwyllau te a chanhwyllau o bob maint, pob un wedi ei ddylunio’n briodol i adlewyrchu nodweddion naturiol y garreg. Mae’r canhwyllau te citronella yn hynod o boblogaidd i gadw pryfed draw, ac mae gallu’r garreg i wrthsefyll y tywydd yn fantais ychwanegol.